Skatebård

Frå Ørsta til verdsrommet via Bergen – Skatebård kjem til Bygdalarm med kofferten full av kosmisk klubbmagi.

Sidan debuten med Skateboarding was a Crime (In 1989) i 2002 har han spytt ut skiver, vinylar og remixar i bøtter og spann, og levert DJ-sett frå mørke kjellarar til Boiler Room og vidare ut i verda. Dette er ein fyr som har turnert seg gjennom Norden, Europa, Australia og Asia – og framleis står støtt bak spakane.

Musikken? Tenk gammal rave møter house, slengt saman med synthpop og italo-disco, og sendt avgarde på ei ferge rett mot det ytre rom.

Gjer deg klar for dans, stjerner i augo og ein tur langt forbi fjord og fonn !