Delara til Bygdalarm 2026!

Sidan gjennombrotet med «Paper Paper» og remixen av «Gunerius» i 2017 har Delara plassert seg som ei av dei mest særprega og modige stemmene me har. Ho har bergtatt publikum både på norsk og engelsk, og i 2020 kom EP-en «Et lite stykke Norge» – ei samling låtar som har hamna heilt inn i skulepensum på vidaregåande. Tekstane hennar bit seg fast, og folk har lytta.

I 2023 tok Delara nettet heilt av hengslane med si personlege tolking av «Josefin», som gjekk viralt i både Noreg og Sverige. Året etter slapp ho debutalbumet «Shahrzad», hylla for djupe tekstar og musikalske mangfald. Det enda med Spellemann for Årets album, før ho følgde opp med «Volare», som blei ein publikumsfavoritt over heile landet!

Men Delara har for lengst løfta blikket ut over landegrensene. «Checka», samarbeidet hennar med Loredana, har klatra på listene i Tyskland, Sveits og Austerrike og samla over 70 millionar straumingar på Youtube og Spotify. Og med «Piya Piya Calling» – saman med Karpe, Quickstyle og Kaifi Khalil via Coke Studio Pakistan – fekk ho global merksemd. Låten har gått viralt i 15 land og samla over 20 millionar avspelingar på kort tid.

På scena har Delara levert utselde turnéar i dei største norske byane, og festivalopptredenane hennar sommaren 2024 blei trekt fram som høgdepunkt både av norsk og internasjonal presse. Og så kom «Siste dans» – superhitten som toppa Spotify-listene og gjekk til nummer 1 i Noreg både i november og desember 2024. Låta vart nominert til Spellemannprisen 2025 for Årets låt.

Delara har ei karriere som berre veks – nasjonalt, internasjonalt, på scena og i studio. Ho set spor kvar gong ho står framfor eit publikum, og 2026 blir stort! Me snakkar artist på veg mot nye høgder, med eigenart, engasjerande sceneshow og eit uttrykk me ikkje får nok av. Detta blir rått!