Kjøp
Bilettar!

nyhende

littlarm: Leonard Cohen på nynorsk


Laurdag 15:00 Thon Hotel Sandven kårar me vinnarane av årets Littlarm, og den beste gjendiktinga av Leopnard Cohen på nynorsk.

Få poetar har prega musikkhistoria som Leonard Cohen (1934-2016). Han platedebuterte på
sekstitalet og utmerka seg straks for sin vakre men samstundes direkte stil. Den kanadiske
levemannen har delt frå liv og kjærleik med ein penn som kan få sjela og auga til å renna
over. Han er forsøkt gjendikta på eit utal språk, men kanskje er nynorsk den språkdrakta som
vil kle Cohen sine tekstar best av alle?

Me har utfordra lekmann og lærd over heile landet til å kasta seg inn i tevlinga om dei beste
Leonard Cohen-gjendiktingane. Vinnartekstane vert framførte av vårt eige eminente husband
og nesten-eminente Microbandet under årets LittLarm.

Juryleiar i år er lyrikar, omsetjar og Cohen-fan Per Olav Kaldestad. Under LittLarm møter
han Brit Aksnes og Håvard Gjerde til samtale om utfordringane med gjendikting, om Cohen
og sjølvsagt: vinnartekstane.

Husbandet: Stig Lundblad-Sandbakk og Nan Espeseth.
Microbandet: Brit Aksnes og Kjersti Døssland.
Tid: laurdag kl 15
Stad: Thon Hotel Sandven
Inngang: 150 kr (100 kr for dei med Bygdalarm-pass)
Arrangørar: Kvam Mållag og Bygdalarm. Med støtte frå Aschehoug, Folkeakademiet og
Noregs Mållag.